Non é a primeira vez que Marco Antonio Moreno do Blog Salmón alerta da situación creada no sistema bancario chino explicando a peculiar forma de funcionamento da chamada banca pantasma, responsable do 40% do crédito suscrito.
Nos últimos 2-3 meses a situación do sistema financeiro chino está vendo como se agravan estes problemas anteriores polo afrouxamento de 30,000 millóns de dólares (nestes momentos) da flexibilización cuantitativa en Estados Unidos que aportaba 85,000 millóns de dólares mensuais a finais do 2013.
A maior parte deste diñeiro novo e gratis fluía cara os mercados financeiros do mundo, nomeadamente cara os países emerxentes, dos que China é o seu máximo expoñente.
Pero non se pode atiborrar ao mundo con diñeiro sen que a xente nun momento dado se decate da precaria situación financeira de Estados Unidos que non pode seguir simulando o actual valor do dólar.
O problema de inxectar cantidades masivas de diñeiro aínda que non chegue á poboación, e non cree inflacción polo tanto, é que en calquera momento os inversores poderían pensar que en realidade Estados Unidos está xa quebrado de facto e o dólar polo tanto non vale nada (ou moi pouco).
A inestabilidade do sistema financeiro chino ten a suficiente entidade e importancia no mundo como para que potencialmente a súa desestabilización poda extenderse ás outras economías interconectadas co seu sistema bancario. Entre elas en lugar destacado teriamos ao sistema bancario de Estados Unidos e da Unión Europea.
Por estes motivos o interese que suscita a crise inmobiliaria china non é tan so un fenómeno local senón que trascende as fronteiras e pode ter unha importancia global.
Isto sábeo Marco Antonio Moreno do Blog Salmón quen de novo presenta un artigo que incide nos últimos acontecementos neste sentido sobre a notablemente descoñecida, política e economía china e presenta a noticia de corridas bancarias (movemento que antecede ao corralito) sucedida onte en varios bancos da provincia de Jiangsu.
4 Monas 